Stir-Fry Kjúklingur með heimalagaðri Teriyaki sósu

Sendandi: Smári (Smári Sæbjörnsson) þann 02/26/2010

857 fléttingar
2.76 stjörnur
25 atkvæði

Einkunn

Höfundur: Völundur Snær Völundarson hjá www.thebasiccookbook.com

Gerist aðdáendur á Facebook síðu "The basic cook book" hér

Hráefni

Teriyaki Sósa:
60 ml soya sósa
240 ml vatn
1/2 tsk engiferduft
1/4 tsk hvítlauksduft
5 msk púðusykur
1-2 msk hunang
2 msk maizena mjöl
60 ml kalt vatn

Kjúklinga Stir-Fry:
900 gr beinlausar kjúklingabringur, skornar í þunna strimla
1 meðalstór rauðlaukur, skorin í strimla
1 græn paprika, skorin í strimla
1 rauð paprika, skorin í strimla
2 bollar kál (rautt eða hvítt), skorið í strimla
2 sellerístilkar, skornir í bita
3 gulrætur, skornar í strimla
4 msk olía
1 lítil dós af ananasbitum
240 ml Teriyaki sósa

Aðferð

Teriyaki sósa:
Blandið saman á pönnu soya sósu, 240 ml af vatni, engiferdufti, hvítlauksdufti, púðursykri og hunangi. Steikið á miðlungshita.

Í bolla skal blanda saman maizena mjöli og 60 ml af köldu vatni. Blandið saman og notið til að þykja sósuna í pönnunni eftir þörfum. Ef að sósan verður of þykk má þynna hana með vatni.

Stir-Fry kjúklingur:
Skerið kjúklinginn í þunna strimla og leggið til hliðar. Skerið grænmetið einnig í þunna strimla, setjið í aðra skál og leggið til hiðar.

Steikið kjúklinginn á pönnu upp úr 2 msk af olíu uns hann verður gullinbrúnn að lit. Setjið afganginn af olíunni á Wok pönnu og steikið grænmetið þar til það er orðið mjúkt. Blandið þá kjúklingnum, ananasnum og teriyaki sósunni. Blandið vel saman og steikið í 2-3 mínútur. Bætið við teriyaki sósu eftir þörfum.

Borið fram með hrísgrjónum - eða steiktum eggja-hrísgrjónum - sjá Egg Fried Rice. uppskrift á TheBasicCookbook.com.

Flokkur/Tegund

Kjúklingaréttur

Matarskammtur

Fyrir 6 manns

Ummæli

Skrá ummæli

Óskráðir notendur geta ekki skráð ummæli