Soðið lambakjöt með rótargrænmeti í Fricassé

Sendandi: Smári (Smári Sæbjörnsson) þann 03/01/2010

167 fléttingar
2.74 stjörnur
19 atkvæði

Prenta

Prenta hráefnislista

Senda vini

Einkunn

Höfundur: Sverrir Halldórsson, matreiðslumeistari

Hráefni

1,5 kg Lambaframpartssneiðar á beini
0,7 kg Kartöflur
150 gr Gulrætur skrældar og skornar í teninga
150 gr Gulrófur skrældar og skornar í teninga
150 gr Sellerírót skræld og skorin í teninga
100 gr Perlulaukur
150 gr Sveppir skornir í fjórðunga
100 gr Grænar baunir frosnar
½ stk Sítróna bara safinn
½ peli Rjómi
50 gr Hveiti
50 gr Smjör
½búnt Steinselja fersk söxuð fint
Salt og pipar

Aðferð

Skolið kjötið vel í köldu vatni og setjið í pott ,látið vatnið fljóta yfir kjötið og látið suðuna koma upp, fleytið ef með þarf. Látið svo sjóða við vægan hita þar til kjötið er meyrt.

Á meðan er grænmetið flysjað og skorið í teninga er kjötið hefur soðið í hálftima eru kartöflurnar settar í pott og soðnar, eftir það er rótargrænmetið forsoðið og látið rjúka, látið soðið af grænmetinu sjóða áfram til að nota í sósuna ef þurfa þykir.

Þegar kjötið er soðið er það fært upp úr pottinum og haldið heitu, soðið bakað upp með smjörbollunni, sítrónusafanum bætt út í, smakkað til með salt og pipar eftir þörfum, þá er grænmetinu bætt út í og látið sjóða í 3-4 mínútur og að lokum er rjómanum bætt út í.

Flokkur/Tegund

Kjötréttur

Matarskammtur

Fyrir 5

Ummæli

Skrá ummæli

Óskráðir notendur geta ekki skráð ummæli